D’Luxembourg Saxophone Association setzt sech an, fir divers Aktivitéite ronderëm de Saxophon ze proposéieren, notamment fir kënnen eng grondleeënd Plattform fir Schüler, Enseignanten, esou wéi och Amateur- a professionell Saxophonisten aus Lëtzebuerg kënnen unzebidden.

No e puer Joer Paus, huet d’ASBL sech neierdéngs erëm zesumme gesat fir nei Projeten auszebauen, engersäits duerch d'Organisatioun vun engem Saxophonsfestival mat kënschtleresch, pedagogesch a sozialen Aktivitéiten um Programm, an anerersäits och fir onofhängeg Projeten an Initiative wéi de Luxembourg Saxophone Ensemble kënnen z’ënnerstëtzen.

An där Hinsicht, wéilt d’Luxembourg Saxophone Association eng besonnesch Villfalt vu Saxophonisten op all Niveau a sämtlech Generatiounen zesumme bréngen, andeems se eng weesentlech Plaz fir d’Ënnerhale vun enger richteger Gemeinschaft accordéiert, déi d’Wäerter vun engem Gemeinschaftsënn an Zesummenhalt ënnert de Leit vermëttelt, mee awer och fir hiert Instrument bei engem vervillfältege Publikum ze promouvéieren, an domat méi Leit dozou ze beweegen sech fir de Saxophon ze interesséieren.